पुस १२ गते प्रधानमन्त्री प्रचण्डले एक भारतीय टीभी च्यानेलमार्फत उहाँले आफ्नो पहिलो विदेश भ्रमण भारतबाट नै हुने घोषणा पनि गर्नुभयो ।
जब देशमा सरकार परिवर्तन हुन्छ अनि आरोप लाग्छ विदेशी शक्तिको । यो सरकार फलानो देशले बनाएको हो, त्यो सरकार फलानो सरकारले बनाएको हो भनि चर्चा हुन थाल्छन् । चाहे त्यसमा कुनै देशी विदेशी शक्तिको हात होस् या नहोस् । यसपटक पनि त्यस्तै भयो । माओवादी केन्द्रका अध्यक्ष पुष्पकमल दाहाल ‘प्रचण्ड’ को नेतृत्वमा गठन भएको सरकार चीनले बनाएको चर्चा हुन थालेको छ ।
पुस १० गते एमाले–माओवादी केन्द्रबीच प्रचण्डलाई प्रधानमन्त्री बनाउने सहमति भएसँगै भारतका सञ्चारमध्यमले यो चीनले बनाएको सरकार हो भन्न थाले । अमेरिकालगायतका अन्य अन्तराष्ट्रिय सञ्चारमाध्यममा पनि सोही अनुसारको समाचार सम्प्रेषण भए । नेपालमा पनि सोहीअनुसारको विश्लेषण सुरु भयो । जब माओवादीका अध्यक्ष प्रचण्ड प्रधानमन्त्रीमा नियुक्त हुनुभयो । सबभन्दा पहिले नेपालस्थित भारतीय दूतावासका भारतीय राजदूत नविन श्रीवास्तवको शुभकामना उहाँलाई गयो ।
त्यस लगतै राती भारतका प्रधानमन्त्री नरेन्द्र मोदीले ट्वीट गरेर आफ्ना समकक्षी प्रधानमन्त्री प्रचण्डलाई शुभकामना तथा बधाई दिनुभयो । त्यति मात्र होइन, पुस ११ गते भारतीय राजदूत नविन श्रीवास्तव खुमलटारमै गएर प्रधानमन्त्री प्रचण्डलाई भेटेर शुभकामना दिनुभयो । त्यसको भोलीपल्ट अर्थात पुस १२ गते प्रधानमन्त्री प्रचण्डले एक भारतीय टीभी च्यानेलमार्फत उहाँले आफ्नो पहिलो विदेश भ्रमण भारतबाट नै हुने घोषणा पनि गर्नुभयो ।
पुस १४ गते भारतीय विदेश मन्त्रालयको नियमित पत्रकार सम्मेलनमा मन्त्रालयका प्रवक्ता अरिन्दम बाग्चीले नेपालमा गठन भएको नयाँ सरकारसँग भारतले मिलेर काम गर्न चाहेको प्रतिकृया दिनुभयो । पुस १५ गते भारतीय दूतावासका राजदूत श्रीवास्तव प्रधानमन्त्री कार्यालयमा गएर प्रधानमन्त्री मोदीको शुभकामना सन्देश हस्तान्तर गर्नुभएको छ ।
नेपालमा काँग्रेसका सभापति शेरबहादुर देउवाकै नेतृत्वमा सरकार बनिरहेको छ भनि थाह पाएर उहाँ अस्पताल छाडेर नेपाल फर्किनु भएको हो ।
यी सब घटनाक्रम हेर्दा भारतको इच्छा विपरित प्रचण्ड नेतृत्वको सरकार बनेको हो भनि अनुमान लगाउन गाह्रो छ । तैपनि चीनको गतिविधि र सक्रियताले यो चीन समर्थक सरकार हो भनि सोच्न सबैलाई बाध्य बनाएको छ । माओवादी केन्द्रका नेता वर्षमान पुन उपचारका लागि चीन जानु भएको थियो ।
माओवादीका स्रोतहरु भन्छन्, ‘उहाँ उपचारका लागि मात्र चीन जानु भएको होइन । नेपालमा वामगठबन्धनको सरकार बनाउने माहोल तयार गर्न उहाँ चीन जानुभएको थियो ।’ उहाँ पहिलो पनि त्यहाँ उपचार गराएको कारण फ्लोपमा जानु नै भएको हो । उहाँ त्यहाँको अस्पतालमा भर्ना भएर उपचार गराएकै हो तर अस्पतालमा जुन किसिमले चिनियाँ एजेण्ट र प्रतिनिधिको चहल पहल थियो त्यसले यो अनुमान लगाउन गाह्रो हुँदैन कि वर्षमान पुन सिर्फ त्यहाँ उपचार गराउन जानु भएको हो ।
चीनमा उहाँको उपचार चलि नै रहेको थियो । तर नेपालमा काँग्रेसका सभापति शेरबहादुर देउवाकै नेतृत्वमा सरकार बनिरहेको छ भनि थाह पाएर उहाँ अस्पताल छाडेर नेपाल फर्किनु भएको हो । उहाँलाई त्यहाँका डाक्टरले आउन दिइरहेको थिएनन् । अझै केही दिन आरामको आवश्यकता छ भनि रोक्न कोशिस पनि गरे तर नेता पुनले भनसुन गरेर नेपाल फर्किन सफल हुनुभयो ।
नेपाल आउने वित्तिकै उहाँको जुन किसिमको सक्रियता बढ्यो त्यसले धेरैलाई अच्चमित बनायो । चीनबाट उपचार गराएर आएका व्यक्ति केही दिन घरमा आराम गर्नुपर्ने हो तर उहाँले नेता तथा शक्ति केन्द्रहरुको घरदैलो धाउन थाल्नुभयो । चीनबाट आउने वित्तिकै सबभन्दा पहिले उहाँले एमालेका अध्यक्ष केपी शर्मा ओलीलाई भेट्न बालकोट जानु भयो । त्यहाँ चीनको सन्देश सुनाउनुभयो । सोही भेटबाट एमालेका अध्यक्ष अोलीको मनमा परिवर्तन आएको माओवादी केन्द्रका नेताहरु बताउँछन् ।
चीनबाट आउने वित्तिकै सबभन्दा पहिले उहाँले एमालेका अध्यक्ष केपी शर्मा ओलीलाई भेट्न बालकोट जानु भयो । त्यहाँ चीनको सन्देश सुनाउनुभयो ।
त्यसपछि माओवादी केन्द्रका अध्यक्ष प्रचण्ड, जसपाका अध्यक्ष उपेन्द्र यादव, नेकपा एकीकृत समाजवादीका अध्यक्ष माधवकुमार नेपालको दौडधुप एकदमै बाक्लिएको थियो । नेता पुनले विष्णु पौडेलदेखि लिएर पृथ्वी सुब्बा गुरुङलगायत नेकपा (एस) का पनि थुप्रै नेतालाई उहाँले भट्नुभयो । अन्त्यमा पुस ९ गते तत्कालिन प्रधानमन्त्री देउवालाई भेटेर माओवादीका अध्यक्ष प्रचण्डलाई प्रधानमन्त्री बनाउनु होस् नत्र अवस्था बिग्रन सक्छ भन्नुभएको थियो । तर देउवाले पुनको कुरालाई वास्ता गर्नुभएन, ठिक छ सल्लाह गरौला भनेर पठाई दिनुभयो ।
देउवालाई विश्वास थियो कि माओवादीका अध्यक्ष प्रचण्ड कुनै पनि हालतमा गठबन्धन छाडेर एमाले कहाँ जानु हुन्न किनभने एमालेले माओवादी केन्द्रका अध्यक्ष प्रचण्डलाई स्विकार गर्दैनन् । तर देउवाले के बिर्सिनुभयो कि नेता वर्षमान पुन भर्खर चीनबाट उपचार गराएर फर्किनु भएको छ र उहाँ फर्केपछि करिब हरेक शीर्ष नेतालाई भेटेर माहोला बनाई सक्नु भएको छ ।
एक दिनअघि नै तत्कालिन प्रधानमन्त्री देउवा विभिन्न च्यानेलमार्फत गठबन्धन टुट्नसक्छ भन्ने कुराको जानकारी पाउनु भएको थियो तर त्यसलाई ठिकसँग विश्लेषण नै नगरिकन सूचनाहरुलाई ‘इगनोर’ गर्नुभएको थियो । उहाँलाई प्रचण्ड र एमालेका अध्यक्ष अोलीप्रति पूर्ण विश्वास थियो । प्रचण्डले गठबन्धन छाडेर गएपनि ओलीले उहाँलाई साथ दिँदैनन् भने एजेन्सीहरुले उहाँलाई विश्वस्त बनाएको थियो ।
त्यही कुरा तत्कालिन प्रधानमन्त्री देउवाले भारतीय दूतावासलाई पनि ब्रिफ गर्नुभएको थियो । प्रचण्ड वा ओलीको समर्थनमा प्रधानमन्त्री आफू नै बन्ने हो विश्वास दूतावासलाई उहाँले दिलाई रहनु भएको थियो । प्रचण्डले गठबन्धन छाडेर गएपछि एमालेको समर्थनमा सरकार बनाउने कुराको जानकारी पनि दूतावासलाई गराएको थियो । दूतावासले पनि यो गठबन्धन नभत्कोस्, बरु पहिलो चरणमा प्रचण्ड नै प्रधानमन्त्री बनोस् तर गठबन्धन नभत्कोस् भनि रहेको थियो ।
दूतावासको चाहना पनि कुरा मिलेन भने राष्ट्रपति वा प्रधानमन्त्रीमध्ये एउटा माओवादीलाई दिएर गठबन्धन जोगाउनु पर्छ भनि थियो । किनभने यो गठबन्धन बनाउन भारतीय दूतावासले निकै मेहनत गरेको थियो ।
प्रचण्डले गठबन्धन छाडेर गएपछि एमालेको समर्थनमा सरकार बनाउने कुराको जानकारी पनि दूतावासलाई गराएको थियो
तपाईको प्रतिक्रिया