पत्रकार महतोलाई दुरव्यवहार तथा कुटपिटको प्रयास गर्ने बस चालक तथा खलासी पक्राउ

काठमाडौँ माघ १२ गते । अन्नपूर्णपोष्ट दैनिकमा कार्यरत पत्रकार राजकरण महतोमाथि भेदभावजन्य दुरव्यवहार गरेका बसका चालक तथा खलासीलाई प्रहरीले पक्राउ गरेको छ । माघ ७ गते बाटोमा हिड्दै गर्दा रंगको आधारमा ‘भैया’ भनेर पत्रकार महतोमाथि भेदभावजन्य दुव्र्यवहार र कुटपीटको प्रयास गरेको भन्दै प्रहरीमा उजुरी परेको थियो ।

सो उजुरीको आधारमा प्रहरीले उनीहरुलाई पक्राउ गरी थुनामा राखेको छ । आरोपीसंगै बसलाई पनि नियन्त्रणमा लिएर प्रहरी वृत्त नयाँ बानेश्वरले अनुसन्धान अगाडि बढाइएको छ । मुद्दा दर्ता पछि आरोपीलाई सार्वजनिक गरिने प्रहरीले जनाएको छ ।

बानेश्वर प्रहरीले आज पीडित महतोलाई बोलाएर घटना बारे जानकारी लिएको छ ।

तस्विरः राजकरण महतो