जसपा नेपालको बैठकमा पार्टी विभाजनको विषय उठ्यो

काठमाडौं, ३१ वैशाख। जनता समाजवादी पार्टी (जसपा) नेपालको केन्द्रीय समितिको बैठकमा पार्टी विभाजन लगायतका विषयमा छलफल भएको छ।

पार्टी केन्द्रीय कार्यालय कुपन्डोलमा आज बसेको बैठकमा सांसद राजकिशोर यादवले पार्टी विभाजनको विषयमा प्रष्ट पार्नुभएको थियो। उहाँले पार्टी नेतृत्वस्तरबाटै आशंका र उपशंकाका कारण नेताहरू पलायन हुँदै गएको बताउनुभयो।

पार्टी कसैको व्यक्तिगत सोचले मात्रै चल्न सक्दैन, यसको लागि सामूहिक सोच र नेतृत्व आवश्यक छ, उहाँले भन्नुभएको स्रोतले दावी गरेको छ ।

यसैगरी, पार्टी उहाँले आफू कहीँ नगएको र पार्टीमै रहेको बताउनुभयो। पार्टी विभाजनपछि मलाई पनि विभिन्न शंकाहरू थिए तर म यहीँ छु, उहाँको भनाइ छ।

बैठकले पार्टीभित्रको एकता कायम राख्न नेतृत्वलाई निर्देशन दिएको छ। साथै, विभाजनपछि सिर्जित विभिन्न असहजता र चुनौतीहरूको सामना गर्न पनि नेतृत्वलाई निर्देशन दिइएको बताइएको छ।

गत वैशाख २३ गते जसपा विभाजन भएपछि अहिले दुई फरक(फरक जसपा अस्तित्वमा रहेका छन्। अशोक राई नेतृत्वको जसपाले आधिकारिकता प्राप्त गरिसकेको छ भने उपेन्द्र यादव समूहले त्यसको विरोध गर्दै सर्वोच्चमा मुद्दा दायर गरेको छ।