बलिउड नायिका शिल्पा शेट्टीका श्रीमान् राज कुन्द्रा पोर्नोग्राफी मामिलामा एक महिनाभन्दा बढी समयदेखि जेलमा छन् । उनलाई १९ जुलाईमा मुम्बई क्राइम ब्रान्चले पोर्नोग्राफी मामिलामा पक्राउ गरेको थियो । यो घटनापछि शिल्पा शेट्टीले आफ्नो कामबाट मात्रै नभई सोसल मिडिया र प्रशंसकबाट पनि टाढा भएकी थिइन् । तर नायिका हालै आफ्नो शो ‘सुपर डान्सर ४’ मा पनि फिर्ता भएकी छिन् ।र अब उनी सोसल मिडियामार्फत् प्रशंसकसँग पनि जोडिने प्रयास गरिरहेकी छिन् । शिल्पा शेट्टीले सोसल मिडियामा एउटा पोस्ट शेयर गरेकी छिन्, जुन चर्चामा छ ।
शिल्पा शेट्टीले सेयर गरेको एउटा सोसल मिडिया नोटमा आफ्नो गल्ती ‘स्विकार’ गरेकी छिन् । शिल्पाले श्रीमान् राज कुन्द्राको विषयमा चलिरहेको विवादका बीच एउटा किताबको केही अंशमार्फत् प्रशंसकसँग कुरा गर्ने कोसिस गरेकी छिन् । नायिकाले सेयर गरेको किताबको पानामा लेखिएको छ–गल्ती ती बक्यौदाको हिस्सा हो, जसलाई हामी उमेरभरी चुकाइरहन्छौं ।’ शिल्पा शेट्टीले किताबको जुन पाना सेयर गरेकी छिन् त्यसमा लेखिएको छ, ‘हामी कुनै गल्ती नगरिकन जीवनलाई रोमाञ्चक बनाउन सक्दैनौं । हामी आशा गर्छौं कि हामीले कसैलाई पनि चोट पुग्ने गरी गल्ती गर्नुहुन्नँ । गल्तीलाई हामी त्यो चिजको रुपमा हेर्छौं जसलाई हामी बिर्सन चाहन्नौं । वा जुन सबैभन्दा रोचक अनुभवले भरिएको होस् । यसकारण होइन कि हामीले गल्ती गरेका छौं, यसकारण कि हामीले त्यसबाट सिकेका छौं । म पनि गल्ती गर्दैछु । म पनि आफूलाई माफी गरिदिनेछु र मैले त्यसबाट सिक्नेछु ।’
तपाईको प्रतिक्रिया