राजेन्द्र महतोले भन्नुभयो, ‘उपेन्द्र यादवलाई मेरो समर्थन छ, मतदान गर्न सबैलाई आग्रह गर्दछु’ (विज्ञप्तिसहित)

काठमाडौँ बैशाख ९ गते । लोकतान्त्रिक समाजवादी पार्टी नेपालका वरिष्ठ नेता राजेन्द्र महतोले पाँच दलीय गठबन्धनका साझा उम्मेदवार उपेन्द्र यादवलाई आफ्नो समर्थन रहेको स्पष्ट पार्नुभएको हो ।

एउटा कुनै अनलाइनले ‘लोसपा वरिष्ठ नेता राजेन्द्र महतोको समर्थन जनमतका उम्मेदवार कुशवाहालाई’ भनि समाचार सम्प्रशन गरेपछि नेता महतोले विज्ञप्ति जारी गरेर सो कुरा स्पष्ट पार्नुभएको हो ।

उहाँले भन्नुभएको छ, ‘यो समाचारमा कुनै सत्यता छैन, पाँच दलीय गठबन्धनको साझा उम्मेदवार उपेन्द्र यादवलाई नै मेरो समर्थन रहेको स्पष्ट पार्न चाहन्छु ।’

उहाँले बारा क्षेत्र नम्बर २ का उम्मेदवार जसपा नेपालका अध्यक्ष उपेन्द्र यादवको पक्षमा मतदान गर्न आम जन समुदायलाई आग्रह पनि गर्नुभएको छ । साथै गलत समाचार बनाउने सञ्चार माध्यमलाई कानुनी कारवाहीको प्रक्रिया समेत अगाडि बढाउने जानकारी उहाँले गराउनुभयो ।

विज्ञप्ति

मिति-२०८०-०१-०९ राती १०:०० बजे

केही अनलाइनमा मेरो समर्थन जनमतको कुशवाहालाई भनी गलत र भ्रमित समाचार सम्प्रेषण भएको प्रती मेरो गम्भीर ध्यानाकर्षण भएको छ।यो समाचारमा कुनै सत्यता छैन। पाँच दलिय गठबंधनको साझा उम्मेदवार उपेन्द्र यादवलाई नै मेरो समर्थन रहेको स्पष्ट पार्न चाहन्छु ।

त्यसर्थ बारा क्षेत्र न. २ मा रहेका जसपा नेपालका अध्यक्ष श्री उपेन्द्र यादवको पक्षमा मतदान गर्न आम जन समुदायमा आग्रह गर्न चाहन्छु। साथै गलत समाचार बनाउने संचार माध्यमलाई कानुनी कार्वाहीको प्रक्रिया समेत अगाडि बढाउने जानकारी गराउँदछु।

राजेन्द्र महतो

वरिष्ठ नेता, लोसपा नेपाल