प्रहरी समायोजन ऐन कार्यवन्यन हुनुपर्छ–लोसपा प्रदेश अध्यक्ष सोनल

बारा भदौ १५ गते । लोकतान्त्रिक समाजवादी पार्टी सपा नेपाल जितपुर, सिमरा उपमहानगरपालिका समितिद्वारा गढीमाइ मन्दिरको धर्मशालामा आयोजित अगुवा कार्यकार्ता भेलामा कार्यक्रमका प्रमुख अतिथि लोसपा मधेस प्रदेशका अध्यक्ष जितेन्द्र सोनलले प्रदेशमा र देशमा प्रहरी समायोजन ऐन कार्यवन्यन हुनुपर्ने बताउनुभयो ।

संघीयतालाइ मजबुत गर्नको लागी प्रदेशको आफ्नो प्रहरी प्रशासन हुनुपर्ने कुरामा जोड दिँदै देशलाई र प्रदेशलाई शान्ति र स्थायित्व प्रदान गर्न प्रहरी ऐन कार्यवन्यन गर्न अति आवश्यक रहेको कुरा पनि उहाँले राख्नु भयो।

सो कार्यक्रममा लोसपा बारा क्षेत्र न. ४ का अध्यक्ष सिताराम गुप्ता, प्रदेश ४ (क) अध्यक्ष घनश्याम गिरि, नगर अध्यक्ष शिवजी साह, लोसपा नेता प्रभुनाथ सिंह, राजु गिरि, रामबाबु पटेल, सरोज पटेल, तरुण सहनी, वडा अध्यक्ष मोतीलाल यादव लगायत अगुवा कार्यकर्ताहरुको बृहत उपस्थिति थियो।