काठमाडौँ फागुन ६ गते । भारतको उडिसास्थित कलिंगा इन्स्टिच्यूट अफ इन्डस्ट्रियल टेक्नोलोजी (केआईआईटी) को घटनालाई लिएर त्यहाँको पुलिस कमिशनर कार्यालयले आज एक प्रेसनोट जारी गरेको छ ।
सन् २०२५ फरवरी १६ मा त्यहाँ भएको घटनामा दोषी देखिएकालाई पक्राउ गरी फौजदारी अभियोगमा मुद्दा चलाइएको जनाएको छ ।
उडिसाको इन्फोसिटी प्रहरी चौकीमा किट विश्वविद्यालयका बी.टेक (मेकानिकल) तेस्रो वर्षका अध्ययनरत विद्यार्थी सिद्धान्त सिग्देलले हालेको उजुरीको आधारमा त्यही विश्व विद्यालयको बीटेक तेस्रो वर्षमा अध्ययनरत अद्धिक श्रीवास्तवलाई पक्राउ गरेको जनाएको छ ।
प्रहरीमा दिएको उजुरीमा किट विश्वविद्यालयमा बीटेक (मेकानिकल) तेस्रो वर्षमा अध्ययनरत २१ वर्षीय अद्विक श्रीवास्तवले गरेको उत्पीडनको कारण प्रकृतिले आत्महत्या गरेको दावी गरेका छन् ।
अभियुक्त विद्यार्थी अद्विक श्रीवास्तवलाई हिजो पक्राउ गरिएको थियो र सोही दिन न्यायिक हिरासतमा पठाइएको छ । मुद्दाको अनुसन्धान जारी छ, जसमा प्रमाणको रूपमा कागजातहरू र इलेक्ट्रोनिक ग्याजेटहरू जफत गरिएको प्रेसनोटमा भनिएको छ ।
हिजो बिहान किट विश्वविद्यालय प्रशासनले “अनावश्यक मृत्यु“ घोषणा ग¥यो र नेपाली विद्यार्थीहरूलाई भवन खाली गर्न लगायो । होस्टेलमा बसेका विद्यार्थीहरु किटभित्र भएको भेला र आन्दोलनलाई विश्वविद्यालयले अनुशासनहीन कार्य मानेको छ ।
होस्टेलबाट विद्यार्थीहरूको यो खाली गराउने कार्यले चिन्ता बढाएको प्रेसनोटमा भनिएको छ । यद्यपि हिजो साँझ प्रशासनले “अनिश्चितकालीन“ निर्णय फिर्ता लिएको प्रहरीले जारी गरेको प्रेसनोटमा उल्लेख छ ।
विश्वविद्यालयका अभियुक्त सुरक्षा गार्ड रमाकान्त नायक, छोराहरु रवीन्द्र नायक, जोगेंद्र बेहरा उनका छोरा बगुली बेहरालाई पक्राउ गरिएको छ ।
तपाईको प्रतिक्रिया