दल दर्ताको समय प्राप्त गरेको चिन्हमै चुनावमा भाग लिन पाउनुपर्ने जनमतको माग

काठमाडौँ माघ २६–सिके राउत नेतृत्वको जनमत पार्टीले निर्वाचन आयोगले दल दर्ताको क्रममा प्रदान गरेको चुनावबाट निर्वाचनमा भाग लिन पाउनुपर्ने माग गरेको छ ।

जनमत पार्टीका महासचिव चन्दन सिंहले आज निर्वाचन आयोगका प्रमुख आयुक्त दिनेशकुमार थपलियालाई ध्यानाकर्षण पत्र बुझाउँदै सो माग गरेका हुन् । प्रदेश तथा प्रतिनिधिसभामा दल दर्ता समयमा प्राप्त गरेको निर्वाचन चिन्हलाई नै मान्यता दिनेको गरेको छ तर स्थानीय तहमा स्वतन्त्र उम्मेदवारको जस्तो नयाँ चुनाव चिन्ह लिनुपर्ने जस्तो व्यवस्था गरेको त्यही नै आपत्तिजनक रहेको उनले बताए ।

दल दर्ताको समयमा प्राप्त गरेको चुनाव चिन्हमा नै निर्वाचनमा भाग लिन पाउनुपर्नेमा आफू पनि सकारात्मक रहेको तर यसको विषयमा सरकारले निर्णय गर्नुपर्ने कुरा प्रमुख आयुक्त थपलियाले भनेको महासचिव सिंहले बताए ।