दलको नेता चयन गर्न जसपाले गर्यो समिति गठन

काठमाडौँ पुस ९ गते । जनता समाजवादी पार्टी नेपालले प्रतिनिधि सभातर्फ संसदीय दलको नेता चयन गर्नका लागि तीन सदस्यीय निर्वाचन समिति गठन गरेको छ ।

जसपाका प्रचार विभाग प्रमुख पूर्ण वस्नेतका अनुसार हिजो बसेको संसदीय दलको बैठकले गठन गरेको सो समितिमा दीपेन्द्र झा, मिथलेशकुमार सिंह र अर्जुन थापा रहनु भएको छ । संसदीय दलको विधानमा नेता चयन गर्नका लागि निर्वाचन समिति बनाउनुपर्ने उल्लेख छ । सोही बमोजित सो समिति बनाइएको उहाँले बताउनुभयो ।

सहमतिबाट नै संसदीय दलको नेता चुनिन्छ, यदि सहमति बन्न सकेन भने निर्वाचन प्रकृयामा गएर टुगों लगाउने तर अहिलेसम्मको अवस्था हेर्दा सहमतिमा नै नेता चयन हुने देखिएको उहाँले बताउनुभयो ।

जसपा नेपालसँग सातजना प्रत्यक्ष र पाँचजना समानुपातिक गरी १२ जना संघीय सांसद रहनु भएको छ । संसदीय दलका नेताका लागि अशोक राइ, राजकिशोर यादव, रामसहाय यादव, नवलकिशोर साह आकाँक्षि रहनु भएको छ ।