–श्रीमन नारायण,,
प्रधानमन्त्री पुष्पमकमल दाहाल “प्रचण्ड” जेठ १७ गतेदेखि २० गतेसम्म भारत भ्रमणमा जान लाग्नु भएको छ । भारतका प्रधानमन्त्री नरेन्द्र मोदीको मैत्रीपूर्ण निमन्त्रणामा हुन लागेको यस भ्रमणले दुई देश बीचको परम्परागत बहुआयामिक सम्बन्धलाई अझ बढी प्रगाढ बनाउनुका साथै परस्पर विश्वास र मित्रतालाई पनि सदृढ बनाउने निश्चिअत छ । प्रधानमन्त्री प्रचण्डको भारत भ्रमणका बेला दुई देश बीचको परस्परहितसित जोडिएका विभिन्न विषयमा छलफल हुनुका साथै महत्वपूर्ण सम्झौताहरु पनि हुने सम्भावना रहेको छ ।
खास गरि पूर्वाधार, निर्माण, विकास परियोजना ऊर्जा, व्यापार, सीमा तथा जलस्रोत लगायतका विषय छलफल हुने सम्भावना रहेको छ । इतिहास, संस्कृति, परम्परा तथा धार्मिक समानता आदिका कारण नेपाल र भारत बीचको सम्बन्ध अटुट तथा अद्धीतिय रही आएको छ । यस सम्बन्धलाई थप प्रगाढता प्रदान गर्न समय समयमा उच्चस्तीय राजनीतिक भ्रमण पनि हुँदै आएका छन् । प्रधानमन्त्री पुष्पकमल दाहाल ‘प्रचण्ड’को भारत भ्रमण पनि यसैको निरन्तरता हो ।
नेपाल र भारतीय कुटनीतिक सम्बन्ध कायम भएको सात दशक भन्दा बढी भइसकेको छ तर यस लामो अवधीको सदुपयोग राष्ट्र र जनताको हितमा गर्न सकिएन जबकी यस अवधिमा संसारका धेरै देश विकसित पनि भइसके । भारतसित नेपालको सम्बन्ध कहिल्यै खराब रहेन तर धेरै राम्रो पनि रहेन । नेपाल एंव भारतबीच कतिपय कुरामा समानता रहेको भए पनि आर्थिक प्रगतिको मामिलामा भारत नेपाल भन्दा किन र कसरी अगाडी बढयो ? भन्ने विषयमा हामीले गम्भीर चिन्तन गर्नु आवश्यक छ ।
भारतका स्थापित कम्पनीहरुले नेपालको ऊर्जा विकासमा देखाएको चासो बहुपक्षीय छलफल तथा केही आयोजनाका लागी सन्निपकट आयोजना विकास सम्झौताले पनि नेपालको पानी दक्षिण एशियाका लागी वरदान सावित हुने दिशामा अग्रसर रहेको सहज अनुमान गर्न सकिन्छ ।
तपाईको प्रतिक्रिया