उपेन्द्र यादव नेतृत्वको जनता समाजवादी पार्टी नेपालबाट अलग भएर अशोक राइले गठन गर्नुभएको जनता समाजवादी पार्टीमा यतिखेर मन्त्रीलाई लिएर नेताहरुको बिचमा दौडधुप भइ रहेको छ । प्रधानमन्त्री केपी शर्मा अोली नेतृत्वको वर्तमान सरकारमा जसपा नेपालबाट दुई जना मन्त्री हुनुहुन्छ । प्रदीप यादव खानेपानी मन्त्री र नवलकिशोर साह महिला बालबालिका मन्त्री हुनुहुन्छ । उहाँहरु एक वर्षका लागी मन्त्री बन्नुभएको थियो । मन्त्री बन्नेबेला पार्टीबाट अलोपालो सरकारमा सहभागी हुने नेताहरुको बिचमा सहमति बनेको थियो । सो सहमति अनुसार दुई जना मन्त्रीको समय पुगिसकेको छ अब अर्कोलाई पालो दिनुपर्छ भनि पार्टीमा दबाब परिरहेको छ ।
मन्त्रीका लागी सुशिल श्रेष्ठ (जो अशोक राइका श्रमती पनि हुनुहुन्छ), विरेन्द्र महतो, रञ्जु ठाकुरले पार्टीमा दौडधुपमा लाग्नुभएको छ । जसपाका एक नेताले भन्नुभयो, ‘पूर्व सहमति अनुसार यदि मन्त्री बनाउने कुरा भयो भने रञ्जु ठाकुर र विरेन्द्र महतो बन्नुहुन्छ तर मधेशबाट दुई जना मन्त्री र पहाडबाट एक जना पनि नहुने भन्दै एकथरी पार्टीमा सुशिला श्रेष्ठलाई अगाडि सारिरहेको छ ।’
रञ्जु ठाकुरले यसअघि नै विना विभागीय मन्त्री पाउनुभएको थियो उहाँले विना विभागीय मन्त्री बन्न अस्विकार गर्नुभएको थियो । विरेन्द्र महतो पनि मन्त्रीका लागी जोड बल गर्नुभएको थियो । प्रदीप यादव भर्खर स्वास्थ्य मन्त्रीबाट निस्किनु भएको छ । उहाँलाई फेरि मन्त्री बनाउन नहुने विरेन्द्र महतो पक्षको दावी थियो तर प्रदीप यादवले आफू स्वास्थ्यमन्त्रीमा धेरै समय रहन नपाएको भन्दै आफू नै मन्त्री बन्ने र एक वर्षपछि अरुलाई पालो दिने भन्नुभएको थियो ।
त्यसैमा सहमति भएको बताइएको छ । सो सहमति अनुसार प्रदीप यादव र नवलकिशोर साहले मन्त्री पद छाड्नुपर्ने देखिएको छ । तर उहाँहरु छाडेपछि मन्त्री को बन्ने अझैसम्म पार्टीमा टुगों लागेको छैन । जसपाका एक नेताले भन्नुभयो, ‘प्रधानमन्त्री केपी शर्मा ओली अहिले नै मन्त्री हेरफेर गर्ने पक्षमा हुनुहुन्न, आफू प्रधानमन्त्रीबाट हटेपछि शेरबहादुर प्रधानमन्त्री बनेपछि मन्त्रीहरु हेरफेर गर्न पार्टीका नेताहरुलाई सुझाव दिनुभएको छ ।’
अर्को कुरा यदि प्रधानमन्त्री ओली मन्त्री हेरफेर गर्न तयार भए पनि दुईटा मन्त्रालय दिनुहुन्न । यदि मन्त्री हेरफेर भयो भने जसपालाई एउटा मन्त्रालय दिने सोच प्रधानमन्त्री अोलीको रहेको छ । यस अवस्थामा के गर्ने अन्योलमा जसपा देखिएको छ ।
तपाईको प्रतिक्रिया