मधेशमा शुरु भयो आन्दोलन (फोटो फिचर)

काठमाडौ असार २४ गते । १६ बुँदे सम्झौतालाई टेकेर आएको सविधानको मस्यौदा आएपछि मधेश आन्दोलित हुँदै गएको छ । मस्यौदाको विरुद्धमा मधेशमा विभिन्न कार्यक्रम गर्नुको साथै त्यसको तयारीमा सबै पक्ष लागेको देखिन्छ । मधेशका दल तथा युवाहरु जुन रुपले तयारीमा लागेका छन् मानौ ठूलै युद्धको तयारी भइरहेको भान भइरहेको छ ।
काठमाडौमा मात्र होइन कि मधेशका जिल्लाहरुमा पनि विभिन्न कार्यक्रम गरि मस्यौदाको विरुद्ध भइरहेको छ । असार २२ गते जनकपुरमा युवाहरुको एउटा संगठनले शंख बजाएर आन्दोलनको घोषणा पनि गरिसकेको छ भने यता काठमाडौमा पनि विभिन्न कार्यक्रम गरी जनमत तयार गर्ने काम भइरहेको छ ।
सविधानसभामा रहेको चार मधेशवादी दलले विगत पाँच दिनदेखि मस्यौदा आएको विरोधमा सविधानसभा बहिष्कार गरिरहेका छन् भने मधेशसँग विभिन्न संघ संगठनले दिन दिनै कुनै नकुनै कार्यक्रमहरु गरिरहेका छन् । कसैले खुल्ला कार्यक्रम गरिरहेका छन् भने कसैले बन्द कोठामा पनि कार्यक्रम गरिरहेका छन् ।
यसैबीच चार मधेशवादी दलले संघर्षका कार्यक्रम तयार गरेका छन् । ती दिनदेखि जारी चार दलको संयुक्त लोकतान्त्रिक मधेशी मोर्चाको बैठकले असार २६ गतेदेखि साउन ८ गतेसम्म विभिन्न संघर्षका कार्यक्रम तय गरेका छन् ।