प्रचण्डलाई खूलापत्र

योगेन्द्र राय यादव

सद्भावना पार्टीका युवा नेता एवं केन्द्रीय सदस्य योगेन्द्र राय यादवले एमाओवादीका अध्यष पुष्पकमल दहाल प्रचण्डलाई कमरेड प्रचण्डलाई एक थान खुल्लापत्र भनि शीर्षकमा खुल्ला पत्र लेखेका छन् । युवा नेता यादवले आफ्नो फेसबुकबाट सार्वजनिक गरेका खुल्लापत्र जस्ताकै त्यस्तैः
प्रचण्ड जी तपाईलाई जून समुदायले स्वीकार गरेका छन उ समुदाय यानीकी मधेशी समुदायसंग बेईमानी गर्नुयो भन्दैछ । तपाईलाई तपाईको आफ्नै समूदायले काठमाण्डौबाट पराजित गरे तर मधेशीले सिरहाबाट जिताएर पठाएका छन । तपाई थौरै भएपनि शान्त भएर सोचदिनुस त यदी मधेशीले जिताएर नपठाएको भय तपाईको राजनीतिक कद के हुन्थ्यो ? आज आएर तपाईले चैत्र २५ गतेको मध्यरातमा १६ बूदें राज्यलाई राजनीतिक निकास दिनका लागि संघियताको मुलधार भनिने नाम र सीमालाई थाती राख्दै नागरिकताको सबाल,न्यालय ,निर्वाचन क्षेत्रको निर्धारण, राज्य सभामा पठाउने सदस्य समानरूपमा प्रत्येक प्रदेशबाट पठाईने जस्ता अमान्य बूंदा प्रति सहमति गर्नुभयो, के यो जायज छन ? तपाई कमजोर हुदा जनयुद्ध काल होस या संसदीय काल सबै कालमा मधेशीलाई भरयांग बनाऊनु भो । 

प्रचण्ड

मधेशी मुक्ति मोर्चा होस या ३० दलीय गठबन्धन यी सबैमा मधेशीले तपाईलाई पत्याए । मलाई सम्झना छ क. प्रचण्ड तपाईले सार्वजनिक सभामा मधेशी समुदायलाई धोका दिन्नौ भने वाचा गर्नुभएको हो । वाचा गर्नुभएको सभास्थल एक होईन कमरेड तीन तीन ठाउ रहेका छन । कमरेड सिमरौनगढ ,जनकपुर र धनगढीमा भएका सभामा तपाईले गरेको वाचा \” मधेशी नेताहरूले धोखा दिए पनि म मधेशसंग धोखाबाजी गर्दैन्नौ \” सायद त्यो मधेशी नेताहरू प्रति ईंकित रहेको थियो। आज आएर त्यो वाचा के भो ? तपाईले सिमरौनगढको श्रद्धांजलि सभा ,जनकपुरको बारहविघा र धनगढीको ३० दलीय आमसभामा सम्बोधन गरिरहदा म स्वंय दर्शकदीर्घामा होईन तपाईको छेऊमा स्टेजमा बसेका एक साक्षी हो ।आज तपाईको त्यो वाचा र अहिलेको कुरा सुन्दा मलाई तपाई प्रति रहेका स्नेहमा मात्रात्मक हिसाबले कमि मात्रै होईन आक्रोश पनि बढेका छन्। तपाईले मात्र धोखा दिएको भ ए पो त तपाईले त वेदान्नद प्रवृतिको रूपमा गच्छादारलाई पनि जन्माउनु भो । र सिंगै मधेशलाई धोखा दिई आफ्नो जात देखाउनू भो भनिदैछ आम मधेशीले यसको खूलारूपमा प्रष्टयाई दिनु हुन्छ भन्नेर मैले यो खूलापत्र सामाजिक संजाल मार्फत सार्वजनिक गरेको छु । यो खुलापत्रलाई पत्राकार मित्रहरूले श्रद्धेय क. प्रचण्ड समक्ष पुरयाईदिनु हुन्छ भन्ने अपेक्षा गरेको छु ।