संघिय समाजवादी फोरम नेपालको प्रेस विज्ञप्ति

यही २०७२ साउन २८ गते कैलालीको टिकापुरमा आयोजित थारु समुदायको विशाल आमसभामा संघीय समाजवादी फोरम, नेपालको अध्यक्षको हैसियतले सम्बोधनका क्रममा बोल्दै नबोलेको कुरा केही संचारमाध्यमका र सामाजिक संजालमा आएकोले त्यस्ता तथ्यहीन, आधारहीन, पूर्वाग्रही, कपोलल्पित र षड्यन्त्रमूलक ढंगले लेखेको समाचारप्रति दुःख व्यक्त गर्दछु । केही संचारमाध्यम र सामाजिक संजालमा केही प्रायोजित युजरहरुले साम्प्रदायिक, षड्यन्त्रमूलक एवं पूर्वाग्रहीढंगले गरेको टिप्पणीप्रति मेरो पूर्णअसहमति र आपत्ति छ । वर्षौदेखि शोषित र पीडित रहेका थारु, मधेशी, आदिवासी जनजाति तथा दलित समुदायहरु अफ्नो अधिकार र पहिचानका लागि राज्यविरुद्ध सडकमा उत्रिँदा उनीहरुको आन्दोलनलाई बद्नाम गर्ने कुत्सित् मानसिकताले भ्रामक समाचार संप्रेषण गरिएको हाम्रो ठहर छ । समाचारमा भनिए अनुसार सो कार्यक्रममा कसैले पनि सामाजिक सद्भावमा आँच आउने अभिव्यक्ति नदिएको र स्थानीय जनताले कुनै पनि प्रकारको अवरोध सिर्जना नगरेको प्रष्ट पार्न चाहन्छु ।
राज्य पुनर्संरचनामा पहिचान र प्रादेशिक स्वायत्तता लगायत विभिन्न मागसहित आन्दोलनरत थारु समुदायको सबै विरोधका कार्यक्रमप्रति हाम्रो पूर्ण समर्थन र ऐक्यबद्वता छ । त्यसैले, अखण्ड सुदूरपश्चिमको नाममा थारु समुदायलाई फेरी पनि कमैया, दास बनाइराख्ने र उनीहरुलाई स्रोतसाधनबाट बञ्चित गर्न षड्यन्त्रमूलक ढंगले गरिएको प्रदेशको सीमांकनको विरुद्ध पहिचान, समानुपातिक समावेशीकरण र प्रादेशिक स्वायत्तताका लागि जारी आन्दोलनलाई उत्कर्षमा पु¥याउन थारु समुदायलाई समर्थन गर्दछु ।
आम मधेशी, आदिवासी जनजाति, दलित, महिला, उत्पीडितवर्ग, सीमान्कृत समुदायको अधिकार, पहिचानसहितको संघीयता र प्रादेशिक स्वायत्तता, समानुपातिक समावेशीकरण तथा सबै खाले विभेदहरुको अन्त्य गर्न जनताको संघर्षलाई उत्कर्षमा पु¥याउन र जिम्मेवार तथा महत्वपूर्ण भूमिका निर्वाह गर्न आमसंचारमाध्यम र सामाजिक संजालका सबै प्रयोगकर्ताहरुलाई अपील
गर्दछु । ३१ साउन २०७२