एउटा घाइते पत्रकारको घाइते मनको बकपत्र

अस्ति म उपचार गराएर रेस्टमा छु । अहिले सम्म मेरो चोटको पिडा कम भएको छैन । यस घट्नालाई लिएर श्रावण ४ गते नै पत्रकारहरुको छाता संगठन नेपाल पत्रकार महासंघ धनुषा सहित अन्य पत्रकार संघसंगठनहरुले विज्ञप्ती निकाले घट्नाको भत्र्सना एवं दोषीहरुलाई अभिलम्ब कडा कारबाहीको माग गरेका छन् । अस्ति नेपाल पत्रकार महासंघ धनुषाले विज्ञप्ति निकाल्दा एसपी,डीएसपी र ईन्सपेक्टरको संलग्नतामा भएको भन्दै कारबाहीको माग गरे । आज श्रावण ८ गते नेपाल पत्रकार महासंघ धनुषाले दोषीहरु माथि कारबाहीको लागि जिल्ला प्रशासन कार्यालयमा प्रमुख जिल्ला अधिकारीलाई ज्ञापन पत्र बुझाउँदा ज्ञापन पत्रमा डीसपी कृष्ण प्रसाई र ईन्सपेक्टर निरञ्जन थापाको मात्र नाम उल्लेख गरिएको छ ।

तर घट्नमा संलग्न जिल्लाका सरक्षा निकायकै प्रमुख एसपी गणेश बहादुर थापाको नाम किन हटाईएको छ ? यो प्रशन छ धनुषा शाखाका पदाधिकारीहरुसंग । आखिर किन बचाउन खोजिएको हो एसपी थापालाई ? पाँच दिनमा फेरी काहीँ डीएसपी कृष्ण प्रसाईको नाम त हाराउने हैन ? कारबाही हँुदा सम्म काँही ईन्सपेक्टर निरञ्जन थापाको नाम त हराउने हैन ? भन्ने जस्तो मनमा आशंका उब्जेको छ महासंघको त्रुटिपूर्ण ज्ञापन पत्रको कारणले । ‘मुखमा राम राम ,बगलीमा छुरा’ भने जस्तो त हुने छैन महासंघको भूमिका । यदि दोषीहरुलाई उन्मुक्ति नै दिने महासंघको उद्देश्य हो भने मेरो भन्नु केही छैन । यदि म नै दोषी छु भने महासंघले मलाई नै कारबाही गर्नु पर्यो । यस अघि पनि म माथि केहि दुरव्यवहारको घट्नाहरु भएको छ । जसमा नुन सातु लगाईएको छ । मनलाई बुझाए । तर यसपालिको चोट र उनीहरुले जानी जानी गरेको गम्भीर गल्तीले मलाई असहय बनाएको छ । त्यसैले दोषीहरुमाथि कडा कारबाही नभएसम्म म एकलो भएपनि कुनैपनि कसर बाँकी राख्ने छैन ।