सिके राउत अमेरिका छाड्दा १० लाख अमेरिकी डलर लिएकै हो त ?

….यदि मुझे कम से कम दश लाख डलर (million) मिल जाय तो मै नेपाल चला जाउगां रहने के लिए । बीच बीचमे कभी कभी आता रहँुगा अमेरिका ।

–भोला यादव

जनमत पार्टीका अध्यक्ष डा.सिके राउतले २०१० अगस्त २८ गते आफ्नो डायरीमा हस्ताक्षरसहित लेख्नु भएको पत्रमा उल्लेख भएको कुरा हो । अमेरिका छाड्नु भन्दा पहिले उहाँले कसैसँग रकम माग्दै लेख्नु भएको पत्र हो । अमेरिकामा अध्यक्ष राउतले दशलाख अमेरिकी डलर (१३ करोड भन्दा बढी नेपाली रुपियाँ) कोसँग माग्नु भएको छ त्यो खुलेको छैन तर उहाँले अमेरिका छाड्नका लागि १० लाख अमेरिकी डलर मागेको कुरा स्पष्ट छ ।

अमेरिकाबाट हामीलाई पत्र उपलब्ध गराएका त्यो नेपाली जो सिके राउतसँग स्वतन्त्र मधेश गठबन्धनमा काम गर्नुभएका थियो । उहाँले भन्नुभयो, ‘सिके राउतले अमेरिकामा कसैसँग रकम लिनु भएको छ कि छैन थाह भएन तर यो कुरा उहाँ (सिके राउत)ले आफ्नो डायरीमा लेख्नुभएको थियो ।’ उहाँले अगाडि भन्नुभयो, ‘सिके राउतले रकम कुनै एजेन्सीसँग वा त्यहाँका एनआरएन मधेशी समुदायसँग मागेको हुनुपर्छ ।’

मधेशको अवस्था हेरेर सिके राउत अमेरिकामा निकै चिन्तित हुनुहुन्थ्यो । मधेशको अवस्था होर्द अमेरिकामा उहाँलाई छटपटी हुन्थ्यो तर नेपाल जाने कसरी । यत्रो खाइपाइ आएको जागिर छाडेर नेपालमा के गर्ने, मधेश आन्दोलन गरेर घरपरिवार चल्दैन त्यसका लागि केही केही नकेही सीड मनी चाहिन्छ भनि सिके राउतको प्रस्ताव थियो । तर उहाँको डिमाण्ड करोडौ रुपियाँको थियो ।

डिमाण्ड गरेअनुसारको रकम पाउनु भयो कि भएन थाह भएन । तर उहाँले मधेशी समुदायहरुको छलफलमा यो कुरा राख्ने गरेको ती व्यक्तिले बताउनुभयो । यो कुराको पुष्टि सिके राउतसँग गठबन्धनमा लामो समय काम गर्नुभएका कैलाश महतोले पनि गर्नुभयो । उहाँले भन्नुभयो, ‘अमेरिकामा सिके राउतले लेख्नु भएको पत्र म कहाँ पनि आइ पुगेको छ, यसको बारेमा म पनि जानकार छु तर सिकेजीले अमेरिकामा त्यो रकम लिनुभएको छ कि छैन थाह छैन ।’ सप्तरीका एकजना अमेरिकामा बस्नुहुन्छ । स्वतन्त्र मधेश गठबन्धनसँग जोडिनु भएको थियो । अहिले राउतसँग उहाँ हुनुहुन्न । उहाँले नै यो पत्र मलाई पठाउनु भएको नेता महतोले बताउनुभयो ।

यो पत्र सिके राउतले नै लेख्नु भएको उहाँकै हस्तलिखित पत्र हो, त्यसको ग्यारेण्टी आफूले लिने बताउँदै उहाँले भन्नुभयो, ‘सिके राउतले हस्तलिखित थुप्रै कागजपत्र मसँग छन्, मैले ट्याली गरेर हेरेको छु, यो पत्र हण्ड्रेड पर्सेन्ट उहाँले नै लेख्नुभएको हो ।’ विदेशबाट पैसा ल्याउने काम सिके राउत धेरै पहिलादेखि नै गर्दै आउनु भएको हो । संगठनमा आफूहरुले त्यस्ता काम नगर्न रोकेको पनि तर उहाँले नमानेको नेता महतोले दावी गर्नुभयो ।

सिके राउत निकै महत्वकाँक्षी व्यक्ति हुनुहुन्छ, उहाँको हरेक कुराको डिमाण्ड हाइ हुन्छ, कैलाश महतोले भन्नुभयो, ‘अहिले उहाँ अरबपती बन्नुभएको छ, न कुनै विजनेश न कुनै करोबार छ कहाँबाट उहाँलाई त्यत्रो रकम आउँछन् यही कुराले पुष्टि हुन्छ कि उहाँले कतै न कतैबाट रकम ल्याई रहनु भएको छ ।’

तर जनमत पार्टीका उपाध्यक्ष दीपक साहले यो पत्र नक्कली रहेको दावी गर्नुभयो । उहाँले भन्नुभयो, ‘यो पत्र मैले पनि देखेको हुँ, अध्यक्ष (सिके राउत)जीको ह्याण्ड राइटिङ र हस्ताक्षर नै होइन, कसैले उहाँलाई बदनाम गराउने प्रयास गर्नुभएको छ ।’ उहाँले आफूले पुल्चोक क्याम्पस पढ्दादेखि नै चिनेको बताउँदै सिक राउतले यस्तो काम गर्नै नसक्ने दावी उहाँले गर्नुभयो । सिके राउतको बारेमा बुझ्नु छ उहाँको घरमा जानुस् उहाँको छोराको के हालत छ, बुवाको के हालत छ, श्रीमतीको के हालत छ, सबै कुरा आफै थाह हुन्छ भन्दै उहाँले सिके राउतमाथि पटक पटक यसरी वार भइरहेको बताउनुभयो ।

यस विषयमा जान्नका लागि जनमत पार्टीका अध्यक्ष सिके राउतको नम्बर ९८१७६४४७७५ मा पटक पटक सम्पर्क गरे तर उहाँसँग सम्पर्क हुन सकेन । हामीले यो विषयलाई बुझ्नका लागि गठबन्धनमा रहेका तर अहिले सिके राउतलाई छाडेका केही व्यक्तिलाई अमेरिका तथा अष्ट्रेलियामा पनि सम्पर्क गर्यौं । उहाँहरुले समाचारमा कसैले आफ्नो नाम उल्लेख गर्न चाहनु भएको छैन । उहाँहरुको एउटै भनाई थियो, यो पत्रको व्यापक चर्चा छ, सिके राउतकै ह्याण्ड राइटिङ हो तर रकम लिनु भएको छ कि छैन त्यो थाह छैन ।

हामीले यस अघिका अंकमा विदेशबाट सिके राउतले कसरी उठाउँछन् रकम भनि समाचार प्रकाशन गरेका थियौं । त्यसको सकारात्मक र नकारात्मक प्रतिकृयाहरु देश विदेशबाट आएका छन् । कतिपयजनाले खाडी मुलुकमा वैदेशिक रोजगारमा गएका व्यक्तिबाट रकम उठाएको कुरा स्विकार गरेका छन् । फेसबुकमा कमेन्टमा नै लेखेका छन् ।

र, यो पनि

यसरी उठाउँछन् सिके राउतले वैदेशिक रोजगारमा गएकाहरुबाट करोडौ रकम !