काठमाडौँ असार ३ गते । जनता समाजवादी पार्टी नेपालका अध्यक्ष उपेन्द्र यादव पक्षले पार्टीको आधिकारिताको दावी गर्दै निर्वाचन आयोग जाने भएको छ । आज बसेको कार्यकारिणी समितिको बैठकले केन्द्रीय समिति, कार्यकारिणी समिति, राष्ट्रियसभा सबै ठाउँमा बहुमत छ, पार्टीका आधिकारिता किन नदावी गर्ने भन्दै अब निर्वाचन आयोगमा गएर पार्टीको आधिकारिकताका लागि दावी गर्ने निर्णय गरेको छ । यस अर्थमा औपचारिक रुपमा पार्टी विभाजन भएको छ ।
प्रधानमन्त्री केपी शर्मा अोलीलाई समर्थन गर्ने कि काँग्रेस, माओवादी केन्द्र गबन्धनलाई समर्थन गर्ने विषयमा जसपा नेपालभित्र विवाद भएपछि पार्टी दुई पक्षमा विभाजित भएका छन् । एउटा पक्षको नेतृत्व अध्यक्ष महन्थ ठाकुरले गरिहनु भएको छ भने अर्को पक्षको नेतृत्व अध्यक्ष उपेन्द्र यादवले गरिरहनु भएको छ । पाटी विवादकै कारण दुवै पक्षले एक अर्कालाई कारवाही गरेर पार्टीबाट निष्काशन पनि गर्नुभएको छ तर निर्वाचन आयोगले त्यसलाई मान्यता दिएको छैन ।
निर्वाचन आयोगले मान्यता नदिएपछि उपेन्द्र यादव पक्षले पार्टीको आधिकारिताका लागि दावी गर्न चाँडै नै निर्वाचन आयोग जाने निर्णय गरेको छ ।
तपाईको प्रतिक्रिया